Adrian Katroshi zabiero nos nazot na Fytel
25 września 2025 roku swojo prymiera miała “Fytlowsko apokalipsa”, to je drugo tajla serie “Utropy Micyny” autorstwa Adriana Katroshiego.
Adrian Katroshi urodził sie w 1975 roku. Je z Bytōmia, pisze po ślōnsku niy yno ô Ślōnsku - rychtuje blog Utropy Micyny i artikle dlo portalu Wachtyrz. Je autoym scynariusza do filmu "Zgorszenie publiczne". Fest przaje ślōnskij godce. Prywatnie je fanym filmu i heavy metalu.
Piyrszo tajla geszichty ôd Gertrudy Miki ôstała wydano we 2023 roku. Ksiōnżka była richtich bestsellerym i chned po prymierze trafiła do kanonu ślōnskij literatury. Zapytali my Adriana, skōnd wziena sie sama Micyno.
- Nojpierw był scynariusz do filmu “Zgorszenie Pibliczne” i tam Micyno pokozała sie piyrszy roz. Tam była za tako drugoplanowo postać. Potym żech zaczōn pisać ôsprowki, a blog powstoł w 2018 roku i wtynczos Micyno stała sie tako barzij znano - godo Adrian Katroshi. - W nij żech dojrzoł taki nojwiynkszy potyncjał, z nij coby zrobić bohaterka - niy ino moji ksiōnżki, ale jakigoś końcka cołkigo Ślōnska - dodowo.
Głōwno bohaterka cołkij serie to Gertruda Mika, aka Micyno. Starka rozwiōnzuje zagadki kryminalne, kiere robiōm miszōng na łogiewnickim Fytlu. Ale richtich to sōm Fytel tyż je bohaterym tyj geszichty. Adrian poznoł tyn zidlōng bez swoja ślubno, kiero sie tam chowała.
- Je pora ludzi, co czytało ta ksiōnżka na Fytlu i podobało im sie. Za to niykierzy z Łogiewnik medykujōm, eli mie tam niy ôbciepiōm bergami na tym Fytlu - śmieje sie autor “Utropōw Micyny”.
Ôbie tajle “Utropōw Micyny” idzie sie ôbsztalować na zajcie www wydownictwa SilesiaProgress.
Cołkij naszyj godki możecie sie posuchać pode spodkiym:
Może Cię zainteresować:
Zbrodnia na tarnogórskiej scenie. Premiera "Morderstwa Pana Marshalla" już w przyszłym tygodniu!
Może Cię zainteresować:
