"Jo ci przaja" oczywiście zawsze jest sympatyczne i na propsie. Ale umówmy się, Walentynki to ten dzień, kiedy w dobrym tonie jest bardziej się postarać. Jeśli nie macie pomysłów na życzenia dla swojej drugiej połówki albo po prostu dla kogoś, kogo darzycie sympatią, to zerknijcie na te propozycje, które znaleźliśmy w otchłani internetu.
Walyntynka dostać styknie
i już życie leci piyknie!
Pszonie skarbym naszy duszy
W zocne życie trza z niym ruszyć.
Walyntynki niy som złe
Kej co dobre wspomnieć chce.
Trza nōm we nocy serca ciepłego
Coby sie zowdy ôgrzoć ôd niego.
Frelko, wiysz jako Ci pszaja
Dyć niy po to coby bajać
Tyn Walynty
Chocioż świynty
Gafto na nos, kuko z kraja
Tōż trza coby my ściskali
Coby za sia bardzi brali
Nōm winszuja
Uraduja
Trza łōnaczyć głymbi, dali
Jako w śniku kejsik mojim
Kej sie pszaje to niy broji
Mi we ciebie
Jako w Niebie
Pōnoć w Biblji tako stoji.
Wierszyki w klimacie walentynkowym
Witom w tyn dziyń Walyntego
Skuli pszonio tyż świyntego.
Na świyntego Walyntego
Trza karlusa jyj inkszego
Toż ze piyrszym szajdong wziyła
A drugymu se łodkryła.
Na lipsta blikosz
Serce sie dźwigo
Ty do niyj rzykosz
A łōne "migo".
We pszoniu siyła - niy jakeś "piynty"
Pamiynto ô tym patrōn Walynty.
Tōż trza nōm sie ciyngym pszoć
Skarbu duszy jako boć?
Trza nom we nocy serca ciepłego
Coby se zowdy łogrzoć łod niego.
Choć Walynty chnet se straci
Przeca pszonie durś bogaci.
Prawiom co richtig wielge niycnoty
Niy ciyrpiōm wcale na hercklekoty
Sie tyż krymfami gynau niy tropiōm
Skiż Walyntego nigdy niy topiōm
Kej wiōnki frelek ku niym kerujōm
Bierōm ich wiela – tako radujōm.
Sie z Walyntym
Szpaska cieszy
Koncept wziynty
Rym niy grzeszy
Z pszonio naszo tyż natura
Pszajesz frelce - już żeś w chmurach.
Zrobił se jedyn Walentynki
Przysniół piwa tak dwie skrzynki,
i tym flaszkom miłość wyznawoł
A potym przez trzy dni niy wstawoł.
Walyntynkowo (Bronisław Wątroba)
Jako żyć bez drugi duszy?
Dyć po prowdzie jakoś idzie
Jako szczyńscio bez niyj ruszyć?
Łoj - som czowiek już we biydzie!
Jako zmysłym tyknońć Nieba?
Tego życie niy poradzi?
Poprobować zowdy trzeba
Ponboczkowi niy zawadzi
Świat ze pszonio Jego przeca
Nom Łon mustrym - dobrze wiymy
Zdo mi sie - do Niego leca
Jakby prawie ślonskim rymym
Ech - naturom pszonie rzońdzi
Z tego siyła, szczyńście, życie
Chocioż czasym bliźni zbłońdzi
Idejałym kto? -To wiycie
Toż trza brać co nom szkryflane
Mieć we zocy ciała cuda
Tym niych se zaczyno ranek
Dziyń niy leci jako "gruda"
Słonko przeca po to świyci
By natury gryfność widzieć
Rymym nawet se niy sklyci
Tego co już za tym idzie
Tako sami forsztelujcie
Jako pszonie blysko w nocy
Na swoj skarb se podziwujcie
Nawet jak zamkniecie łoczy
Kaj dwie dusze czucio styknie
Raj tym wzajym trza łotwiyrać
Pokuplować idzie piyknie
By na Niebo stond zaziyrać.
I jeszcze wiersz o św. Walentym, autorstwa Bronisława Wątroby:
Świynty Walynty
Biskupym rzymskim we trzecim wieku
Życie utraciōł tōż wiydz czowieku
Co za cysorza Klaudiusza Gota
Z krześcijanami tako "robota"
Kościōł świyntego mo mynczynnika
Nōm zaś do Niego ô pszonie rzykać
Bo go Angliki patrōnym majōm
Tych co sie richtig pierōńsko pszajōm
Choć zdo sie co łōn w reszcie Europy
Chrōni ôd gowy ciynżki utropy
Z kerōm niyrichtig je czowiek przeca
Nō i sōm krymfy tyż z Jego neca.
Może Cię zainteresować:
