Cołki Ślōnsk je Gryfny. Jak zoki z grubiorzym ôd Gryfnie napoczły “ślōnski renesans”. "Fest mocka toworu wysyłomy do Warszawy"
Ślōnski jynzyk procedowany we parlamyncie. Szpile po ślōnsku wystowiane we tyjatrach. Światowo literatura tuplikowano na godka… Ciyżko ale uwierzyć, że poranoście lot do zadku mielimy ino treska i zoki z grubiorzym. Mogymy być zicher, że kiejby niy bonte fuzekle i maszketne teksty na treskach, dzisio godka niy byłaby na salonach, ino kajś furt wciepano do skansynōw. Gryfnie wlazło do piestrzyni publicznyj. To niy ino gadżety, to richtich styl życio. Ô tym, jak zajta na Facebooku i gyszeft z treskami pomiyniły sie we fenomyn kulturowy, pogodołech sie z Klaudiōm Rokselōm, Szymonym Królym i Dorotōm Skowrońskōm - to je ludziami, co dowajōm Gryfnie szwōngu.
