Nojpiykniyjszy strzōdmiyjski zokōntek na Ślōnsku? Pōłnocne strzōdmieście Bytōmia: sam architekcio suchali... Napoleōna
Plac Akadymicki. Chyba nojbarzij spektakularne take założynie we wszyskich gōrnoślōnskich miastach: plac na planie ôwalu, ze szykownym skwerym i fōntanōm na postrzodku, prowda pedzieć bez 100 lot niysturbowany żodnōm ingeryncyjōm, co by zmiyniała karakter tego miyjsca. Plac Słowiański: tyż zielōny i nojbarzij wysuniynty na pōłnoc w Bytōmiu, dowarty wieżami mōnumyntalnego kościoła św. Barbary. Ulice: Mickiewicza, Prusa, Chrobrego, Orląt Lwowskich ze wysokōm mieszczańskōm zabudowōm. I wilowe ynklawy naôbkoło ulic Czarnieckigo, Gallusa, Oświęcimskij abo Powstańców Śląskich. Szlus ze mediewalnymi historyjami ô Bytōmiu. To na pōłnoc ôd strzedniowieczo to prawie stare miasto we szykownym wydaniu.
